Nieu liedt-boecxken inhoudende verscheyden liedekens op die principale feest-daghen ende ander heylighe daghen vanden jaere (1614)

Nieu liedt-boecxken inhoudende verscheyden liedekens op die principale feest-daghen ende ander heylighe daghen vanden jaere

(1614)–Rumoldus Batavus– rechtenstatus

Auteursrechtvrij

Vorige Volgende


Een liedt van S. Maria Magdalena.
Op die wijse. Op v betrou ick Heere. Och menschen wilt doch hooren, Van Magdalena die sondaersche swaer Sy was rijck, en machtich gheboren Wten gheslachte van Iherusalem claer Syrus naem was haren vaer, Marta Magdalena wijt ruchtich Acharia haer moeder was, Ende Martha haer zuster ras Die leefde zeer godtvruchtich. Isodorus beschreeft het perfeckte Magdalena had noch een broeder thuys Die Iesus vander doot verweckte Sijnen naem was Lazarus, Haer vaer, en moer aldus Doen zy waren ouerleden, Hebben dese drie kinderen zoet Ghedeelt haer ouders goet, Van malcanderen zijn zy ghescheden. Lazarus die bleef aldaeren Binnen Ierusalem, op dat pas Om zijn Ridderschap te bewaeren Want hy een Ridder was Martha zyn zuster ras, Om te dienen Godt den heere Sy heeft met grooter neersticheyt Een schoone plaetse bereydt, Om die Pilgrims te logeeren, Magdalena was hoochmoedich By die ghesellen zeer liberael Sy domineerde seer ouervloedich
[pagina 76]
Was on-eerlyck van woorden ende tael Want sy was die meeste altemael Lichtueerdich bouen d’ander vrouwen Men achte Magdalena daer, Voor een sondaertsche int openbaer Hierom had Martha grooten rouwe. Martha die hadde vernomen, Dat Iesus, met zijn Apostelen moe Van Galileen was ghecomen Ende reysde nae Bethanyen toe Hierom ginck sy smorghens vroe Nae Iherusalem om spijse te coopen Daer sach Magdalena by, Als een lichte vrouwe vry, Met die ionghe ghesellen loopen Sanderen daech quamse geganghen Magdalena nae Bethanyen toe Martha geeftse vriendelyck ontfanghen Weest wellecom myn syuer vroe Magdalena sprack ick ben zoo moe Dat alle mijn leden beuen Ick heb met groot Iolydt, Gheheel Ierusalem verblydt, Sulcke vreichden heb ick daer bedreuen Martha die heylighe vrouw: Sprack och myn zuyuer, ende weende zeer Mochte ghy myn Coninck aenschouwen V blydtschap was noch wel duysentmael meer Hy is een bermhertich heer, Hy is schoon, ende vriendelycken Hy vergheeft die sonden snoot Al zyn zy noch zoo groot, Syn blijtschap duert eewelycken, Doen sprack Maria Magdalena Meent ghy den keyser Tiberius niet Neen ick, sprack die weerdighe Martha ‘Tis den Coninck der glorien ziet
[pagina 77]
Die altijt vol ghenaden vliet Syn rijck en is niet van deser werelt. Hy soeckt ootmoedicheyt, Hy en gaet niet vray ghecleyt, Hy is niet begout, noch bepeerelt. Martha stont door die doore, Sy sach Ihesus comen alzoo moedt Sy riep suster coemt hier voore, Hier coemt den Coninck der glorien zoedt Martha viel den heer te voet Sy groete Ihesus menich weruen Och diet met den heer zoo hadde staen En mochte hem in zijn huys ontfaen Hoe blydelyck soude hy steruen. Martha sprack, O Heer door v vermogen Siet op mijn suster vol zonden belaen Met v bermhertighe ooghen Dat zy mochte ghenade ontfaen Ihesus die sach haer alzoo aen Dat Maria Magdalenen, Verschrickte van zijn ghesicht Nochtans wert zy verlicht, Al haer zonden ghinck zy beweenen Denckt hoe zal Iesus den boosen vesten Inden dach des oordeels bloot, Martha ghinck ter tafelen dienen In Symons huys wert Iesus genoot Tot den melaetschen groot Heeft Magdalena gratie geuonden Aen die voeten Iesus claer Syn Magdalena daer Vergeuen al haer zonden. Broeders wilt niet wanhopen Ghy zondighe menschen wie dat ghy zyt Gods gratie staet altijt open Ghelijck zy dede als doen ter tijt In Gods ghenade u verblyt,
[pagina 78]
En doet als Magdalena verheuen Beweent v sonden snoodt, Al syn sy noch soo groot Den Heer salse v vergheven. Denckt hoe Magdalena was verslonden In Christus liefden na dat sy was bekeert Sy heeft hem gesocht, en oock geuonden En zy was voor niemant verveert Dus lief had zy haer meester weert, Sy vreesde doot noch leuen, Sy is in een quaet schip ghesedt Maer de zee en heeft haer niet geledt Daer zy ouer is ghedreuen. Daer ginck sy Christum openbaren Tot Marsilien en daer ontrent Sy leefde doen noch dertich iaeren, Meest van de Menschen onbekent Haer lichaem heeft sy alsoo ghewent In een woestijn heeft sy haer begeuen Daer sy strengelyck heeft geleeft Ende Godt den Heere die heeft, Door d’Enghelen haer doen opheuen Seuen mael deed’ Godt haer rijsen Op eenen dach al in die lucht En derde haer dat oock spijsen Dus heeft zy voor haer sonden gesucht O heer ick sijn beducht, Want mijn natuir is soo bedoruen Heeft Magdalena haer dus gewendt Ende is daer nae int endt Oock salichlyck ghestoruen.

Vorige Volgende

Over dit hoofdstuk/artikel

lied

Naar de Nederlandse Liederenbank