Poemata

In Grollam à Principe Frederico Henrico obsessam & victam.

QVae toties de me meruit fortuna triumphum,

Hoc iterum spectat castra Batava loco.

Materies sum clara Ducum; laudumque palaestra

Austriacos inter luctor & Auriacos.

Et simul impatiens pacis, dominiq́ue prioris,

Vt vincar vincor, munior, ut peream.

Quid, Frederice, truces immittis turribus ignes,

Sulphureisque quatis moenia nostra globis?

Do tibi victa manus. nobis si infamia vinci est;

Auspicium famae Grolla futura tuae est.