Poemata

In hominem januae suae perpetuò incumbentem, nec nisi media corporis parte mihi visum.

SEmivir adspiceris populo, nec cerneris ultrà,

Dividit & dominum ianua sola suum.

Nescio num Siren, vel sis Nereia pistrix,

Absumatq́ue tuos integra cauda pedes.

Nescio, num femur, & suras, & praelia talos

Abstulerint; num sis loripes, aut quadrupes.

Nescio num vir sis, num femina; si modò sexum

Corporis è media noscere parte datum.

Forsitan anguineos imitatur tibia flexus,

Cruraque serpentum languida more trahis.

Esse potes Minotaurus, Chironque caballo

Mixtus, & è Lapithûm gente creatus eques.

[p. 224]

 

Esse potes Pan Arcadicus, Faunusq́ue vocari

 

Semicaper, quin & Cyllarus esse potes.

 

Pande fores, potero iam tunc cognoscere quid sis.

 

Aut te, si renuas, suspicor esse Caprum.