Poemata

[p. 225]

In adventum Principis Frederici Henrici sub vesperam, post superatam Grollam.

DVm nova Battavico tibi parta est laurea bello,

Excipit & reducem patria laeta Ducem,

Vesper erat, Phaebusq́ue suos iam merserat ignes,

AEthereaeque polo delituere faces.

Phosphorus indoluit tantis decreta triumphis

Publica subiecta gaudia nube tegi:

Ipsaque tum tenero succrescens Cynthia cornu,

Optabat fratris lumine posse frui.

Tota tamen festis collucent compita flammis,

Quemque negat coelum, dat tibi Belga diem.

Fac etiam nullo tenebras splendore fugari,

Sat Batavis noctes, Te veniente, micant.