Poemata

Enchvsa.

ARcta, frequensq́ue domus nomen mihi fecit & urbem,

Primaque contemptae tecta dedere casae.

Navita me iactat pelago, mea rura colonus

Laudat, & hinc terra claudimur, inde mari.

Abscidit adversas à nostro littore gentes,

Et Frisios medijs dividit aestus aquis.

Albani sprevi furias, nec victa tyranno

Oceani proles intemerata steti.

[p. 210]

 

Pandit vasta meis Neptunus regna carinis,

 

Et procul à patriae sedibus exul eo.

 

Quaero foris, quae parca domi natura negavit,

 

Quaeque domi tribuit plurima, porto foras.

 

Belga tuos mirare Deos. dum munera mundo

 

Dividis, ex alio sidere plura refers.