Poemata

[p. 209]

Horna.

FOrtia, cantatus quondam, mea moenia Flevus

Alluit, & portus verberat unda meos.

AEmula me vultu spectas Enchusa sinistro,

Et causam litis me cupis esse tuae.

Accipe placatas aeterno federe dextras,

Dum pereat iunctis viribus hostis Iber.

En tecum commune salum, commune profundum

Navigo, & in medijs pabula sector aquis.

Iam mea Cimbrorum redimunt commercia terrae,

Foetaq́ue Gotthorum carbasa portus habet.

Nunc onerat nostras pelagi captura carinas,

Terrenosq́ue fovet praeda marina Deos.

Me ferit, & laedit: me servat ab hostibus aequor.

Sic servastis aquae, sic nocuistis aquae.