Poemata

Rotterodamvm.

INclyta veliferus pulsat mea moenia Mosa,

Parte aliâ placidis Rottera lambit aquis.

Occiduum latè commercia porto per orbem,

Gallia quas poscit, quasque Britannus opes.

Hic meus Ausonij vindex sermonis Erasmus

Vagijt, & cunis abdidit ora suis.

Maeoniden iactet Colophon, Verona Catullum,

Sufficit ad laudes hunc genuisse meas.

Nunc tantum fragili veneror sub marmore numen,

Dum silet in medio lingua diserta foro.

Quem genui, Basilea tegit, Sapientia fatis

Eximit & cineri vult superesse suo.

[p. 207]

 

Me timet Hispanus, timuit grex barbarus ipsum,

 

Ille meis victus classibus, hic calamo.