Poemata

[p. 206]

Govda.

ISala si cedat Vahali, Rhenusque bicornis

Haec quoque nata suis flumina iactet aquis:

Attamen hunc tectis exornat Gouda superbis,

Laeta situ, studijs aemula, clara viris.

Hinc natura ferax, illinc concordia cives

Nec sinit aut inopes, aut nocuisse malos.

Templa parat spatiosa Deo: nec quilibet illi

Horrendi culpam criminis error habet.

Bella premant alias, haec est securior, urbes,

Nec placidos turbant tympana rauca lares.

Exulat Odrysius, litui, Bellona, triumphi.

Relligio, probitas, pax sociata manent.