Poemata

Vrbivm praecipuarum Hollandiae Encomia.
Dordrechtvm.

AMe Batavicus suffragia prima Senatus,

Consiliisq́ue petit provida verba suis.

Quondam mersa mari medijs emergere nitor

Fluctibus, & siccos Vesta reducit agros.

Neptunus cedit Cereri, fluitantia Fauno

Numina, & aequoreus sit minor usque Deus.

Merva meis miscetur aquis: hoc Linga profundo

Labitur, & Vahalis flumina Mosa bibit.

Huc Tongri merces, & ferri munera mittunt,

Et Nemetes plenis mustea vina cadis.

Pomifer Autumnus mediam transmigrat in urbem,

Vastaque Eburonum marmora caesa iugis.

Quisque suas largitur opes, & dona ministrans

Distrahit imperio munera tanta meo.

Virgo vocor, quondam furijs illaesa Brabantum,

[p. 202]

 

Solaq́ue libertas moenibus hisce stetit.

 

Tunc Batavas inter vigui non victa sorores,

 

Vnaq́ue dum mansi libera, prima loquor.