Poemata

In Vetulam libidinosam.

SVnt, quas dedecorant hiulca naris,
Obstipum caput, & retorta cervix,
Aut centum facies arata rugis;
Sunt, quas depreciant putres mamillae,
Et foedis recubans caper sub alis;
Est annosa Chloë, subacta centum
Bauce, caetera gratior, maritis:
Illi dens veluti ferocis apri
Pando prominet ore, pendulumq́ue
Labrum non sinit admovere labro:
Hanc gibbus populo eximit Quiritum:
Illa est cernua, & ista prona multum
Terram vel gradiens deosculatur:
Claudam spernimus, odimusque luscam,

[p. 191]

 

Et balbam, tremulamq́ue, garrulamque;

 

At tu Tartareo tremenda vultu,

 

Mater Tisiphones, soror Megaerae,

 

Orci filia, squallidum cadaver,

 

Impurissima sordium cloaca,

 

Dum pruris nimis, & libidinosa es,

 

Vno in corpore plus habes malorum.