Ad Doctissimum, Praestantissimumque Iuvenem, Cornelivm Neostadivm, cum Iuris Vtriusque Doctor publicè renunciaretur.
HAEres paterni nominis Neostadi;
Idemque patriae laudis, atque virtutis,
In quo renascens priscus ille Curator
Semet reformat, alterumque despondet
Reis patronum, Curiae senatorem:
Quod stemma capiti, quas tibi infulas nectet
Astraea virgo? dum decus Togatorum
| |
Tot pileatos inter altior Patres
Doctor capessis Illa vix redux coelo,
Rectura terras, quas scelesta iamdudum
Fraudum libido, iusque venditum damnant,
In te triumphum ducit, & tua sanctum
Iuris tribunal occupans clientelâ
Precium reponit, ter beata dum tali
Gaudebit insons turba sospitatore,
Nocens dolebit, & recalcitrans Cyclops
Severa legum pertimescet edicta.
At quanta iam te, quanta, proh Deus, moles
Manet laborum, quamque consciae mentis
Venerandus horror, dum relicta pupilli
Iniurijsque exposta causa te poscit
Iusti patronum, vindicemque non iusti.
Quod si dolosi spes refulserit nummi
Aurumque fallax, iure pondera lites,
Non aere sacro. Sit tibi scelus grande
Emptum tribunal, dexteraeq́ue iam dantes,
Vt mox reportent. magna iudicis virtus
Si norit aequum, si fatebitur, maior.
Themis statutae veritatis interpres,
Exosa precium, nec favore, vel damno
Mutata formam, consilî tui praeses
Perennis adsit, nulla iuris examen
Persona violet, nec maligna victori
Applaudat unquam causa, cedat Astraeae
Vel Regis ipsum nomen; hoc sciat Princeps,
Et se decere, lege velle constringi:
Mox veritati sit comes Fides sancta,
[...]ique placidus lenitatis aspectus,
| |
Quo pertremendos iuris intuens casus,
Iustumque damnans aequitate sis iustus.
Talis Senator, talis in forum prodi
Dicturus aequum. terreat Deus vindex,
Raptumque quondam iudici malo tergus
Doceat timere, & vocis Imperatorum
Decreta veris aestimare censuris.
At nunc honoris arduum premens culmen,
Ipsaque laude maior, inter applausus,
Festasque voces, quas tibi fremit Pallas,
Chorusque Phoebi, Curiae Batavorum,
Patriae saluti Ius Togamque iurato.
Hoc poscit illa, poscit omnis Astraeae
Dicatus ordo, & si qua mortuis vota,
Hoc umbra magni postulat Neostadî.
|
|
Auteursrechtvrij