|
| |
| |
| |
Casparis Barlaei Miscellaneorvm Liber.
| |
| |
Ad Illustrissimum Dominum, D. Dvdlaevm Carleton, Magnae Britanniae Regis apud Federatos Ordines Legatum.
SAlvete puppes, quae Britannicum pignus,
Et Carletoni sanguinis decus clarum
Portatis undis, cuius Albion curis
Suffulta curas fulciet Batavorum,
Et bellicosos Belgici soli patres
Sororiante lenis eriget sceptro.
Salvete puppes: Tuque Nerëi coniunx,
Et qui patenti rector incubas ponto
Neptune, seu iam Carolo favens regi
Classes adornas laetus, & rates quassas
Bellis adaptas: sive transtra Flandrorum,
Hostesque Morinos, mobilesque praedonum
Invadis arces, victimasque Cattorum
Vltor cruenta rursus expias caede;
Expone terris creditum mari magno
Illustre nomen, cui vices dedit fandi,
Facundiaeq́ue celsa iura transcripsit
Princeps Stuartus, ille triplicis regni,
Boreiq́ue splendor orbis, alma maiestas
Populi potentis, imperiq́ue maiorum.
Mitescat aequor omne, nec sacrum pondus
Violent procellae, donec ora Toxandrûm,
Aut Mosa tanto gratuletur Heroi,
| |
| |
Coëatque dextrae dextra Foederatorum.
Stamus Batavi, vivimusque non victi,
At Rege socio. cur satur triumphorum
Turges trophaeis Belga? cur tui Martis
Stupescis ausus? poscit hic sibi partem
Laudum Britannus. his Eliza vexillis
Involvit ensem, Cantabroque nobiscum
Cruore tinxit. Haec Ibericam classem
Demersit undis, huius ultimae Gades
Arsere flammis. sola nec tui facti
Vis tanta rerum est. cur superba despexit
Ostenda Baetim, messibusq́ue plus ternis
Attrivit hostem? lenijt famem Britto,
Illaq́ue arenâ miles occubans Scotus,
Formidolosi spretor inclytus lethi,
Terram momordit, quoque constitit vallo,
Patriae trophaeum fixit, & sibi bustum
Ille obseratis victor irruit portis,
Mauros fugavit, acer institit Flandris,
Stravit Varaxum, totque laureas iunctis
Divisit armis. ipsa pressa libertas
Iniuriosa servitute latronum
Redintegratae debet huic decus sortis.
Nec bella solum, & gentis Asturum diros
Domuit furores, exulemque Gradivum
Ferociente nuper exuit parma,
Cum rex utriq́ue iura dictitans Phoebo
Victas sub ipsa cerneret rates Calpe,
Tartessus atros fumigantibus transtris
Spectaret ignes, Herculisque vicini
Tremerent labores, iamque fessus armorum
| |
| |
Philippus acri posceret moram bello.
Iterum phalanges scribit, & suas Rheno
Sociat cohortes, Martiasque despumat
Tamesis procellas. Vnus hostis ambobus,
Commune bellum est. Tu Deos Batavorum,
Proceresq́ue nostros, Belgijque custodes
Affaris, Heros magne, tus Rosas laeto
Donas Leoni, regiosque facundus
Iussus recludis, consiliq́ue momentis
Latè patentis flectis imperî frena,
Talis feroces voce flexit Atridas
Nestor disertus, & duces Mycenarum
Affatus olim est. talis arce Tarpeia
Cyneas Quiritum Patribus dedit pacem,
Doctè locutus. Et velut mari vasto,
Postquam furentes stella laetior Cauros
Fugavit undis, emicantque perculsis
Ledaea signa, terror exulat ponto,
Dimissa rursus vela Tiphys expandit:
Tu sidus almum, tu iubar salutare,
Heliceque fulges, vindicesque Belgarum
Dexter secundas: quo loquente bellorum
Horror facessit, Hesperique regnator
Ferale rebus augurat suis signum.
Sublimis anima, magne regis interpres
Dudlaee, qui me purpurae Britannorum
Donis inauras, pessimoque tot vatum
Offers stupendum munus optimi Regum,
Musisque nostris censor aequus applaudis:
Has sume gratae mentis obsides chartas,
Arram clientis, candidiq́ue libamen
| |
| |
Castum poëtae. Sorte si meâ dignum est,
Placuisse sceptris, iam benignus indulge,
Placuisse vobis. Cur iniqua sit Phoebe,
Favente Phoebo? cur neget serenatos
Aurora vultus; quem serenus adspexit
Titan, tuaeque gentis editum Numen.
Me si favoris compotem tui faxis,
Excelsus ibo, quà super Deûm sedes,
Mundiq́ue tractus, fornicesq́ue flammantes,
Superûm theatris destinaris, & coelo
Praemittis amplym splendidae decus famae.
Sic laeta semper Carolo fluant secla,
Vivat beatus, veritatis assertor,
Et Christiani nominis potens robur.
Sic gratus illi, particepsque curarum
Sospes supersis. Patriaeque iam fare,
Quae verba laudet Belga, damnet Hispanus,
|
|
Auteursrechtvrij