Epithalamivm in Nuptias Viri amplissimi, & honestissimi D.
Rvtgeri Hvygens, Status Ordinum Consiliarij Prudentissimi, & urbis Arnhemensis Consulis, ac
nobilissimae Nomnae à Linteloo, Filiae Nobilissimi Everardi à Linteloo, Domini
in Ees & Mars, celebratas Hagae Comitis IV. Id. April. Anno cIɔ Iɔcxxiv.
SVspice Battavia, & magno fac vota clienti,
Ventilet Idalias pronuba dextra faces.
Inclita Lintelios dum velant flammea vultus,
Thuraque dant Paphijs nomina tanta focis.
Occupat hinc primos praestans Rutgerus amores,
Dumque sibi, patriae pergit amare suae:
Hinc pia virgineum proscribit Nomna pudorem,
Nec scelus huic culpae succubuisse putat.
[pagina 103]
[p. 103]
Stemmata magna suis froenat Cytheraea lupatis,
Et petit à doctâ fronte tributa Venus,
Qui procul Ausonijs peregrè modo constitit oris,
Vidit & Alpinis regna dirempta iugis;
Et Venetum sedes, & magnae moenia Romae,
Laetaque thyrsigero Gallica rura Deo:
Iam sibi servat amans, & serò sponsa reversum
Arctius optato vult habitare sinu.
Quem docuit varias solers industria voces,
Non potuit dominae fallere verba suae.
Cui patrios nuper commisit Geldria fasces,
Agnoscit pueri sceptra superba Dei.
Qui Batavum fulsit curis ingentibus orbem,
Non potuit mollis non memor esse thori.
Assicit egregias etiam haec insania mentes,
Et sapiens istâ ridet in arte Cato.
Non hanc nobilitas, non vult nescire sacerdos,
Mancipat huic tetricas Curia tota togas.
Communi sic sorte merent plebs, templa, Senatus,
Nec semper noctu seria Caesar agit.
Nomna silet, spectatq́ue sui laeta ora mariti,
Et, quae non audet dicere, casta premit.
Blandus amor vultum generoso pingit honesto,
Vixq́ue sinit cupidas dissimulare faces.
Plus sexu sapit illa suo; plus sanguine virtus,
Plus pietas priscâ nobilitate nitet.
Ornatur fortuna viro, & tot dotibus aucta,
Innuba cui Pallas nubere vellet, amat.
Crescite par clarum & dignos sperate nepotes,
Posteritas thalamis debeat ipsa novis.
Applaudit Paphos ipsa, favet domus alta Cythaeron,
[pagina 104]
[p. 104]
Idaliumq́ue Venus concutit aequa nemus.
Fumantes citius Titan demergere currus,
Et properare suis Cynthia gestit equis.
Quin pater Arnhemi delapsus gurgite Rhenus,
Crescentes tali Consule damnat aquas.
Votaq́ue gavisi transmittunt laeta Sicambri,
Et Batavus festo carmine laeta fremit.
Qui Patriae, Superisque simul placuere, quis illis
Auteursrechtvrij