Poemata

[p. 1]

Casparis Barlaei Heroicorvm Liber.

Serenissimo, Potentissimo, Invictissimoque Principi Carolo, I. Dei gratia Magnae Britanniae, Franciae, & Hiberniae Regi, Fidei Defensors &c.

QVem paci servant Superi, Mars commodat armis,

Et belli studijs vult Soror esse pium:

Quem regni praecepta Parens, exempla Vetustas

Edocet, ac coelo destinat alma Fides;

Accipe regales, Princeps Avgvste, triumphos,

Et facilis Musas sublevet aura meas.

Cum legis effusos in publica vota Britannos,

Haec eadem Belgas dicere crede tuos.

In Batavis scelus est Regem Dominumque creari;

At fas in Batavis sceptra Deosque cani.