Poemata

[fol. *8v]

Ad evndem Author.

MAgne vir, & Batavi celebris tutela Lycaei,

Quo duce Palladiae floruit artis bonos;

Qui genus, & proavos claris virtutibus anteis,

Et landem doctae nobilitatis habes:

Accipe propitio Parnassia munera vultu,

Innocuumque tui protege vatis opus.

Si Venetûm spectasse patres, regumque tiaras

Laus fuit, & magnos visere Borbonios;

Iamque serenatâ Princeps tibi fronte Batavus

Annuit, & tantos pergis amare Deos:

Hoc precor: ut voces inter Regumq́ue, Ducumq́ue,

Cum Musis etiam sit tibi cura loqui.