Hoe dat die stalmeester desGa naar voetnoot368 Roomschen conincs die van Rotterdam terneder toech, ende hoe dat Joncheer Frans mits een dadinghe die stat van Rotterdamme ruymde.
Dat LXVIIGa naar voetnoot369 capitel.
Hierna, int selfde jaer van LXXXIX, den XVII dach in Junio is heer Jan van Naeldwijc, Henrick van WitsGa naar voetnoot370, mit meer ander capiteynen, ende mit al dye knechten die si te samen steken ende brenghen mochten, uut Rotterdam ghetoghen om vitaelge teGa naar voetnoot371 halen, want die vitaelge binnen der stat seer began te minderen. Ende hadden wel boven die LXXX scuten mit koern, wijn ende ander dingen gheladen, dyewelke si in meningen waren doir die venen ende heymelixste weghen binnen die stadt te brenghen, overmits datter veel scepen voir Rotterdam laghen, dat sijt te water nyet avonturen en dorsten. Dye stalmeester des Roomschen ConincsGa naar voetnoot372, als capitein van des lants weghen vanGa naar voetnoot373 Hollant, dit verhorende, ende op deseGa naar voetnoot374 tijt mit groot volck int velt lach, ende wel IIII oft V daghen dairop ghewacht hadde, wanttet hem te kennen gheghevenGa naar voetnoot375 was, dat si om vitaelge uuttrecken souden, want si groot gebreck leden, soe heeft hy sijn volck in ordinancie gheset, ende is hem te moet ghegaen omtrent dorp van Moert, ende heeft se scarpelic anghevochten; ende dander stelden hem oec vroemlicken ter weer; mer int eynde weken dye van Rotterdam, ende dair werter boven CCC geslaghenGa naar voetnoot376, behalven die in die venen verdroncken; ende mit allen veel werter ghevanghen, onder diewelken dat oeck ghevanghen werden heer Jan van Naeldwijc, ridder, ende Henrick van Wits, ende benamen hem alle dese scuten mit vitaelge; ende dair bleef een van den capiteynen verslaghen, genoemt Cornelis van Treslongen. Ende corts dairna coft hemselven heer Jan van Naeldwijck teghen den stalmeester om een zomme van penninghen, ende quam weder binnen WoerdenGa naar voetnoot377, by den heer van Montfoerde. Op desen selven nacht hebben de ruters legghende in die kerke van Ouderscye, die si seer starc bebolwerctGa naar voetnoot378 ende vast gemaect hadden, an brande gesteken ende ruymden Ouderscye, ende ghingen weder binnen Rotterdam. Opten XXII dach desselven maents van junio began men starkelic te tracteren tusscen den stalmeester ende joncher Frans van Bredenrode; ende daer wert een tractaet gemaect ende wert openbaerlic ghecondicht van der stathuys wye mitten voorscreven joncheer Frans uuter stat gaen woude, die mocht vry ende ombescadicht uutgaen; ende wie bliven woude dye mocht bliven. Aldus is joncheer Frans mit sine knechten ende ander cappiteynen uuter stadt van Rotterdamme gheghaen, ende dye stalmeester quam dairinne mit een deel van sijne knechten, ende bleef dair een wijl tijtsGa naar voetnoot379 legghen tot bewaernissen van der stadt. Cortelyck hyer na worden twe cappiteynen van joncheer Frans binnen Delft gherecht mitten swaerde, dene ghenoemt Lepeltac, ende dander Roeftasch, mit meer ander. Ende VIII dagen dair na wert Jorijs die bastertGa naar voetnoot380 gerecht aldair, mit meer ander; ende zijn hoeft wert tot Sconhoven ghesonnen ende op dye poort geset.
Auteursrechtelijk beschermd