Hoe dat here Franck van Borsselen, grave van Oestervant, starf.
Dat XXXIIIIGa naar voetnoot151 capitel.
Op Sinte Lijsbetten dach int jaer M CCCC LXX, sceide van deser werlt here Franck van Borselen, grave van Oestervant, dye te wive hadde gehat dye edele princesse, vrouwe Jacobe, hertoechinne van Beyeren, graefinne van Henegouwen, Hollant, Zeelant ende Vrieslant. Ende alle sine goeden quamen in des princen camere, want hi sonder kinderen gestorven was; mer hi liet enen bastert soen after, genoemt here Floris, die hi seer begaeft ende beghift hadde mit sekere andere goeden van sine ouders hem angecomen ende gheerft; hi cofte oec mede dat stedeken van Cortgeen mit sinen toebehoren ende gaft sinen soen; daerna troude dese here Floris heere Jans dochter van Wassenaer tot enen wive ende na des graven doot van Oestervant gaf hertoge Kaerl here Anthonis sinen broeder die officie vant houtvesterscap in Hollant. Ende dese here Franck, grave van Oestervant, wert begraven in dye kercke van Sinte Martijnsdijc in Zeelant. Hi hadde doen stichten ende fonderen buten Delft een Cartuser cloester van XI cellen, dair hy er IIII of doteert ende rykelic begaeft hadde.
Auteursrechtelijk beschermd