Hoe dat hertoge Kaerle in desen landen van Hollant ende Zeelant quam, ende selver ter audiencien sat.
Dat XXIII capitel.
Als dye hertoge alle saken wijslic ende in goeden ponten geordineert ende gestelt hadde in den landen van Brabant ende Vlaenderen, selver in persone ter audiencyeGa naar voetnoot137 sittende, so is hi getogen in Zelant tot Middelburch, ende tot andere steden in Zeelant, ende heeft daer mede te recht geseten als grave van Zeelant, doende enen ygeliken recht ende justicie, alst betaemde. Vandaen is hi getogen na Hollant ende is mit groter feesten ende triumphen gecomen in sGravenhage omtrent Sinte Laurens, ende hadde mit hem C ridderen ende sinen oversten raet mit meer andere princen, heren, ridderen ende knechten, daer die overste of princepaelste of waren here Lodewijc, biscop van Ludic; here Gwye, biscop van Doirnic; die biscop van Poelgen; die biscop van Salubren, des hertogen biechtvader; dye grote prins ende hertoge van Trapezonden uut Grieken; Johan, hertoge van Cleve; die hertoge van Zommerchet uut Engelant; die here van Ravenstein; here Anthonis, die bastert; Henric, here van Parwijs; here Jan van Bergen an Zoem; Phillips, here van Grimbergen, sijn broeder, ende meer andere princen, baroenen ende heren. Ende in Den Hage wesende sat hi daer selver in persone ter audiencie in die grote sale driewerf ter weken, ende dede enen ygeliken recht ende justicie, rijcke ende arme, ende en sach niemant an, want hi een rechtvaerdich justicier was. Ende binnen desen tijden quam in Den Hage bi den hertoge grote machtige ambassaten ende oratoren uut verde landen ende provincien, ende oec grote machtige princen ende vorsten, als des paeus Paulus suster soen, een uutermaten jong, suverlic man, ende mit hem des hertogen soen van Mantuen uut Lomberdien, dien hi op die Grote Sale ridder maecte; noch quamGa naar voetnoot138 daer hertoge Segemont van Oestenrijck, keiser Frederics broeder die IIIGa naar voetnoot139 van Romen; die palensgrave opten Rijn; die marcgraef van Ferraer ende andere notabele oratoren ende legaten, van Venegen, van Colen ende van andere steden. Ende op dese tijt, omtrent Sinte Michiels dach, wert in die grote prochykercke van Den Hage een vermaert ende glorioes doctoer in der Godheit van Onser Vrouwen broeder oerde, genoemt here Goeswijn, geconsacreert ende gewijt van III biscoppen, als Doernic, Salubren ende Poelgen tot enen biscop van Jheropolen; ende here David van Bourgondien, biscop van Uutrecht, nam desen voernoemden here Goeswijn, biscop van Jheropolen, tot sinen suffragaen ende wybiscop des creesdom ende Stichts van Uutrecht.
Auteursrechtelijk beschermd