Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van den edelen sciltboertige mannen dye in dese tijt waren in den landen van Hollandt, Zeelant ende Vrieslant.
Dat III capitel.

Omtrent dese tijt dat hertoge Phillips here van desen lande geworden was, waren in den lande van Hollant, Zeelant ende Vrieslant vele vermaerde vrome heren ende sciltboertige mannen, daer dese die princepaelste of waren: here Hughe van Lannoy, here van Zanctus, stadthouder van Hollant, Zeelant ende Vrieslant; Franck van Borsselen, grave van Oestervant, die te wive¹² hadde gehat vrouwe Jacoba, hertoechinne van Beyeren, gravinne van Henegouwen, Hollant, Zelant ende Vrieslant; Reinout, here van Bredenroede, van Vianen ende van der Ameyde; here Ghijsbrecht van Bredenroeden, sijn broeder, domproest tot Uutrecht ende na elect van Uutrecht; joncheer Willem van Bredenroede, hoer beider oem; Jacob van Gaesbeec, Abcoude, Wijc te Duersteden, Putten ende Strenen; Johan, here van Egmont; Willem, here van Yselstein, gebroeders; Henric, heer van Wassenaer; Johan van Wassenaer, heer van Voerburch, gebroeders; Henric van Borselen, heer van der Vere; joncheer Aernt, here van Sevenbergen, die here van Haemstede in Zeelant; Jan, here van Cruningen; Henric, burchgrave van Montfoert; joncheer Adriaen van Borselen, here van Brigdam; here Jacob van Borselen, gebroeders; joncheer Willem, heer van Naeldwijc ende van Wateringen; Aelbrecht van Naeldwijc, broeders; Phillips, here van Cortgeen; Rutgher, heer van Boetselaer ende van Asperen. Dirc, heer van Hoekelom; Lodewijc van Treslongen; Willem, hertoge Aelbrechts grave van Hollant bastert soen, ende desen hertoge Phillips basterts oem, denwelken hi tot enen vrien leen gaf in West-Vrieslant III dorpen, als Scagen, Barningen ende Haringhusen; ende dit was deerste here van Scagen; Evert, hertoge Willems bastert soen, deerste here van Hoechtwoude; Lodewijc, die bastert, sijn broeder; Jan van Vianen, here van Noortbes; Dirc van der Merwen; Gerrit van Poelgeest, here van Hoechmade, castelein van Scoenhoven; Gherrit van Poelgeest, sijn neef; Gielis van Cralingen; Gerrit van Zijl; Bartout van Assendelf: alle ridderen, weinich uutgeseit. Jan van der Leck; Willem van Egmont, heer van Soetermeer; Gerrit, here van Heemsteden ende Benthusen; Jan van Hodenpijl; Willem van Langeraeck; Jacob van den Woude, here van Warmont ende van Alkemade; Adriaen van Raephorst, Gerrit van Vliet; Wouter van Matenes; Herpert van Foreest; Ghijsbrecht van Swieten, ridder; Jan van Swieten, scout van Leyden; Gherrit uuten Hage; Frederic van Zeventer; Floris van Alkemade; Dirc van Assendelf; Otte van Merensteyn; Floris van Kijfhoec: alle vrome sciltknechten. Dese ende meer andere hebben hoer lijf vromelic geset in striden ende oerlogen voer horen prins ende sine landen, ende sommige verslaghen, als na gheseyt sal worden.

12 wine AB.