Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Hoe dat hertoghe Aelbrecht oflivich worde.
Dat LVIII capitel.

Int jaer Ons Heren M CCCC ende IIII, doen starf die doerluchtige vorst ende prince hertoghe Aelbrecht in Beyeren, palensgrave opten Rijn, grave van Henegouwen, van Hollant, Zeelant ende heer van Vrieslant, op Sinte Pouwels dach in die winter, nadien hi sine landen hadde gheregeert XLVI jaer; te weten XIX jaer als ruwaert ende voecht van sijn broeders wegen, ende XXVII jaer als grave ende⁴⁸⁵ here. Wiens lichaem mit groter eren ende betamelijcker uutvaert begraven worde by vrouwe Margriet, sijn eerste wijf, in Den Hage, opt hof in der capellen, an dye noortside des Hogen Outaers, onder ene costelike ende scone tombe. Dese hertoge Aelbrecht lyet twe bastaerts sonen after, behalven sine troude kinder, als Aeriaen die bastert, die in Papendrecht worde ghesleghen, ende heer Willem, die bastert, ridder, dye eerste here van Scagen. In desen tiden worde binnen Aemstelredam dootgeslaghen heer Willem Bruyns soen, priester, ende binnen Haerlem Dirc Simons soen, daer grote twist binnen der steden of opgestaen is, ende vele eerbare man-

485 eude AB.

[p. 240r]

⁴⁸⁶ nen om geslegen ende vermoert worden. Want binnen Haerlem, nadat Simon van Sanen was gheslegen, worde daer een oploep binnen der stede, die poorters teghen malcander, daer V luyden geslegen worden ende CCC uuter stede verjaecht ende ghebannen. In datselve jaer worde dat huys te Heemstede buyten Haerlem weder ghedestrueert ende terneder geworpen.

486 CC LX AB.