Van den twist here Ghijsbrechts van Abcoude tegen den biscop.
Dat XXXII capitel.
In denselven jaer vermat hem here Ghijsbrecht van Abcoude dat alle hoge gherechten van sine heerlicheden ende dorpen in den Stichte sine waren, ende dat die biscop daer gheen seggen in en hadde. Waerom dat dye biscop hem ontboet te comen binnen Uutrecht, daer hi alsoe informeert ende onderwesen wort, dat hi bekende dat alle hoghe gherechten van sine heerlicheden in den Stichte gelegen den biscop toebehoerden, ende den clockeslach, sine panders te riden, sine dagebrieven dair te gaen, ende noch veel meer andere ponten, die here Ghijsbrecht beleet des biscops te wesen. Hierover waren vele goede ridderen, edelen, geboertige mannen ende die ecclesie van den Dom, ende vele eerbare burgers. Dit gesciede in die Oestmaent op des bisscops winterhuys binnen Uutrecht.
Auteursrechtelijk beschermd