Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Hoe die heren van Sleyd ende Dycle uuter vangenisse quamen.
Dat XI capitel.

Here Aernt van Yselsteyn heeft int selve jaer, in die Vasten, enen vasten pays ende vrede gemaect tusschen hertoge Willem van Beyeren, grave van Hollant, ende heer Sweer, burchgrave van Montfoert, sinen neve, doen-

[p. 219r]

tertijt des biscops maerscalc. Ende als die burchgrave verenicht was mitten hertoge, terstont so rebelleerde hij doer gonst van hertoge Willem tegen den bisscop, sinen here. Ende heeft die heren van Sleyd ende van Dicle ontbonden ende vryghelaten van der vangenissen, mit haren XL sciltknechten, ende hi sende se vry ende los totten hertoge. Datwelcke die biscop seer oevel ende qualicken van hem nam, allegerende ende seggende dat die gevangen hem toebehoerden, ende dat alremeest, want heere Sweer sijn maerscalck was, ende en hadde hem tot nochtoe gene reckeninghe ghedaen.