Hoe here Jan van Arkel, biscop van Uutrecht, uut sine landen reysde in vreemde landen om sine costen te sparen, ende van den wedercoemst grave Willems van Hollant, uut Pruychen.
Dat XI capitel.
Johan van Arkel, biscop van Uutrecht, beswaert ende becommert wesende mit menigerhande sculden ende costen, is hi int jaer Ons Heren M III C XLV gereyst in vreemden landen om sine cost te sparen, ende aldaer een tijt lanc bliven om syn renten te vergaderen, ende dat hi mit die sine sculden ende becommerden goeden soude mogen lossen; ende heeft sinen broeder Robbrecht van Arkel, here van Asperen, sijn bisdom ende ondersaten bevolen trouwelic te bewaren. In datselve jaer is grave Willem van Hollant myt IIII C paerden weder uut Pruychen gecomen om in zijn eyge lant te reysen. Ende comende tot Coelen opten Rijn heeft hi daer een feestelic hof gehouden van vorsten, heren ende princen. Die koervorsten des Heiligen Rijcs wouden hem verheffen ende maken keiser van Romen, niettegenstaende dat Lodewijc van Beyeren, keyser van Romen, sijnre suster man, noch levede, want dye voerseide keiser Lodewijck te banne was gedaen van den paeus, omdat hi dat Heylighe Kerstengelove nae sijnre machte niet en bescermde van den anvechtinge der ongelovigen, want hy daertoe gedeputeert ende vercoren is van God om dat Heilige Kersten volc te bescermen. Mer de grave bekende hem onwaerdich van alsulker digniteiten ende eren, heeft dat presenteren der heren gerefuseertGa naar voetnoot400 ende hem des onwaerdich ghekent, ende
Auteursrechtelijk beschermd