Van here Niclaes de Caputijs, die XLVI biscop van Uutrecht.
Dat VII capitel.
Ende als biscop Johan begravenGa naar voetnoot394 was, enige van den capyttelaers, ten versoucke grave Willem van Hollant, koren Johan van Arkel, canonic der kerken van Uutrecht. Andere die koren, doer ingheven grave Reinouts dye Swarte van Gelre, Johan van Bronchorst, proest tot Sinte Salvatoers tot Uutrecht. Die paeus Benedictus die XII die versette dese twe electen die ghecoren waren, ende gaf dat bisdom enen edelen Romein, auditoer der saken int hof van Romen, geheten Nicolaes de Caputijs, ende is aldaer gewijt ende geordineert dye XLVI biscop van Uutrecht. Ende als hi vernam dat sine officiael van gene hogen saken recht doen mochte, dan alleen de biscop selver, ende hi selver tot Uutrecht niet resideren en woude, heft hi in datselve jaer openbaerlic in die consistorie te Romen dat bisdom renuncieert ende overgegeven. Ende een luttel tijts hyerna is dese Nicolaus geworden ende gemaect cardinael, ende heeft gefondeert ende gesticht in der stat van Perusen in Ytalien een collegie van studenten in dusdaniger formen ende manieren, als dat die biscop of dat collegie der Domkerken tot Uutrecht sullen mogen senden ende setten twe scolyeren, geleert in gramarie, eerlic ende priselic van leven, manyeren ende zeden, om aldaer te studeren in denselven collegie tot costen ende expensen van der collegie voerseit.
Auteursrechtelijk beschermd