Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van enen groten brant tUytrecht.
Dat XI capitel.

In den jare Ons Heren M CC ende LXXIX, doe was tot Uutrecht alten groten lastigen brant; ende dit was op Sinte Jorijs dach, ende men hiet se Wijfkensbrant. Want daer verbranden Sinte Jans kerck, Sinte Pieters kerck, dye Buerkercke, der Minrebroeders kerck ende sinte Katrinen kerck mit een groot deel van der stat van Uutrecht, daer grote onverwinlike scade gesciede.