Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van wien ende wanneer dat cloester ende abdie ter Lede geheten Lewenhorst gesticht is geweest.
Dat IIII capitel.

Int jaer Ons Heren M CC ende LXII was een eerbaer²⁹⁸ priester ende pastoer van Haerlem, geheten heer Aernt van Sassenhem. Dese is ghecomen op Sinte Agnieten dach op een plaetse gheheten Lede (ende nu hiet Lewenhorst); ende heeft mit hem ghebrocht twalef nonnen van der oerden van Cistercien uut dat cloester van Sinte Mariendale bi Uutrecht, om aldaer te fonderen een convent ende cloester der selver oerden. Ende na X jaren²⁹⁹ is dese here Arent oflivich gheworden. Ende III jaer daerna heeft die abt van Camp dit voerscreven cloester van Lewenhorst incorporeert ende onder sine bewaernissen ghenomen,

298 enerbaer AB.

299 jaen AB.

[p. 176r]

om ewelic aldaer te visiteren, alst noch huyden des daghes gheschiet.