Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van den doot biscops Henricxs van Vianden van Uutrecht, ende van de collegie in Steenwijc, ende van den anlegghen ende beghinsel des nyewen wercxs ende timmeraetse der Domkercken van Uutrecht.
Dat V capittel.

Opten anderden nonas van junio, in den jare M CC ende LXVII, is biscop Henric van Vianden oflivich gheworden, naedat hi dat Sticht van Uutrecht glorioselick mit groter eren XVIII jaren hadde berecht. Dese eerwaerdige biscop fondeerde ende stichte een collegie van canonicken van XII proevens tot Steenwijc in den Stichte van Uutrecht. Hi leide oec den eersten steen³⁰⁰ van dat nyewe werc an den Dom tot Uutrecht int jaer Ons Heren M CC ende LIIII, dat men huydens daghes noch siet staen ende an getimmert wert, daer hi mit groter eren van geestelicken ende waerlijcken, mit betamelicker uutvaert, begraven worde bi sine voervaders.

300 sten AB.