Van here Henric van Vianden, die XXXVIII biscop van Uutrecht.
Dat XVII capitel.
Die cardinael, doer bede des aertsbiscop van Coelen, gaf dat bisdom here Henric van Vianden, ende sette hem in des biscops zetel. Ende dye coninc gaf hem dat waerlike recht mit den staf ende vingerling. Dese Henric was des aertsbiscops neve van Coelen, een hoechgeboren man, gestadich ende grootmoedych; ende was domproest der kercken van Coelen. Daer dat gemeen volc des bisdoms sere in verbliden, danckende ende lovende God van hemelrijc. Ende als hi geordineert ende gewijt was te wesen die XXXVIII biscop van Uutrecht, so was hy altijt sorchvoudich hoe hi der Heiliger Kercken saken verhogen ende verbeteren mochte, ende pijnde sere dat waerlicke recht mit groter eren ende doget te berechten, doende over den quaetdoenders justicie.
Auteursrechtelijk beschermd