Hoe biscop Herbert oflivich worde.
Dat XVIII capittel.
In den jare Ons Heren M C ende L, op die III nonas van november, starf die eerwairdige vader in Gode, here Herbert, bisscop van Uutrecht, als hi dat bisdom doechtlick ende eerlick hadde berecht XII jaer lang; ende werdt mit groter eren ende betamelicker uutvaert begraven in Sinte Martijns Domkercke.
Item. Dese biscop hadde vercregen van den keyser Coenraet die Derde die confirmatie ende donatie van der graefscappen van Oestbergen ende Westbergen in Vrieslant, dat Lotharius, sijn voirsaet, den grave van Hollant hadde gegeven.
Item. Noch had hi vercregen van den voerseyden keyser Coenraet, als dat die keyser verleende den capittelaren ende canonicken der kercken van Uutrecht, ende gaf hem auctoriteyt ende macht te kiesen enen bisscop van Uutrecht, dwelcke Eugenius, paeus, die III, heeft gheconfirmeert ende gheapprobeert.
Auteursrechtelijk beschermd