Die copie ende tenoer des briefs van der overghifte des graefschaps van Hollant.
Dat IX capittel.
In den Name der Heyliger Drievoudicheit. Kaerl, by der gracien Goeds, coninckGa naar voetnoot43 van Vrancrijck. Wanttet onser coninclicker hoecheit betaemt ende toebehoert dat wi onsen lieven ende ghetrouwen mit menigerley ghiften sullen eren ende gewaerdigen, soe doen wi verstaen allen kersten menschen die nu sijn ende namaels wesen sullen, dat quam in onser presencie ende tegenwoerdicheit Hagene, die edele ende eerwaerdige grave, biddende ons, dat wi geven wilden enen edelen prince ende onsen ghetrouwen dienre Diderick enige goeden, te weten die kerck van Egmont, mit al datter rechtelic toebehoert, ende voert van der plecke die men hiet Suytherdes Hage tot Fortrappe ende Kinnen toe, wes supplicacie wi goedertierlick ende waerdelick ontfangende, gonnen ende geven onsen getrouwen man Dirck voernoemt allet tlant in als voorseyt, mitten dienstluden die nu sijn ende namaels wesen sullen, mit bossche, mit marassche, wateren, weyden, ende mit allen datter toebehoert, ghebiedende dat hem nyement hinder hierin en doe, mer dat hi desen landen doer onse miltheit hem gegeven behouden, besitten ende gebruken sal: hi, ende sine nacomelingen, ten ewigen dagen, gelikerwijs hi sijn andere possessien ende goeden mit erflic recht besit. Ende want wi willen dat dese ghift vast ende gestadich blive ende onderhouden worde in der ewicheit, soe hebben wi desen brief besegelt mit onsen gulden vingherling: Kaerls signet, alre glorioeste coninck. Haghano, notarius in des aertsbischops Rutgheri ende des overste cancelliers stede, heeft gherecongnieert ende bekent. Ghegheven tot Bladelle, int dorp. Int jaer Ons Heeren achte hondert ende LXIII, opten seventiende kalende van julio, dat is op Sinte Vitus dach.
Hieruut ist seker ende kenlick na der inhoudt van desen brief, dat dat graefscap van Hollandt nyet alleen desen Dirck van coninck Kaerl van Vrancrijck
Auteursrechtelijk beschermd