Hoe coninc Kaerl Laech-Slavonien onder hem brochte.
Dat LV capittel.
Dit aldus geschiet wesende, quam coninc Kaerl in den lande van Beyeren, ende wert daer minlic ontfangen ende in allen steden gehult int jaer VII C ende LXXXVII. Ende als hi alle dingen ende saken in vreden gestelt ende geset hadde, is hi weder gecomen opten Rijn, ende maecten omtrent die stadt van Coellen II bruggen over den Rijn, ende besette se mit starcken garnisoene, ende passeerde over die bruggen mit veel volcs van wapenen, ende quam dairmede in Laech-Slavonien, gelegen bi den eynde van Sassen ende Prusen, ende voert int lant der Wilten. Ende heeft den coninc Draga mit macht verwonnen ende onder sine gehoorsaemheit gebrocht, ende quam mit groter victorien ende zeghe weder in Duytslant tot Worms.
Auteursrechtelijk beschermd