Van den oerspronck der Bataviers oft Hollanders, ende hoe si eerst dat lant begrepen, ende van waen si quamen.
Dat XI capitel.
Die Bataviers oft Hollanders nemen horen oerspronck ende ofcoemst vant volck die men hiet Hermonduren, gelegen boven dat grote bosch ende wildernisse geheten Hercinia; ende is LX dachvaerden lang. Ende boven Pannonien, dats Hongerien, bi den Schyten, ende waren gebuyren mitten volcke die men hiet Catten, Cerusen, Ligyen, omtrent Hongerien gelegen. Dese Bataviers hadden onderling partije ende twedracht ende sijn uut dit lant verdreven ende ghesceyden, ende sijn gecomen in die uuterste palen der Walscher custen, daer doetertijt sonderling noch nyemant en woonde; ende hebben dat eylant des Rijns mitten wateren, busschen, marasschen begrepen ende beseten, welcke eylant heeft voer die riviere van der Masen, after die zee, ende an allen siden den Rijn. Die sake ende oerspronck, waerom dat dese Bataviers oft Hollanders uut hoer eygen geboren landen ghescheyden sijn is dese: in hoer eerste ende oude lant was een rivier, daer men zout uut plach te purgeren ende winnen, als men nu in die baye doet. Ende want een yghelick vant voornoemde volck die naeste, ende hem dese baecke van zoute approprieten, eygen maken ende besitten woude, so hadden dese Bataviers ende Chatters altijt enen stadigen twist ende discoorde mitten Hermonduren, die bi hem lagen, en konden nemmermeer accorderen ende overeencomen. Dit anmerckende Battus ende sijn broeder Salandus, dat hi geen vrede mochte houden, heeft zijn plaetse geruymt, ende is in dit eylant van den Rijn gecomen, ende heeftet van sinen naem Batto, Battavia, dats Hollant, geheten. Ende was op die tijt mit seer luttel ende weinich volcx bewoent. Ende sijn broeder Salandus is int alre uuterste eylant van den Rijn getoghen, ende heeftet oec van sinen naem Salando, Zalandt genoemt, dat is Zeelant; ende plach daer sijn oude
Auteursrechtelijk beschermd