Beschryvinge ende lof der stad Haerlem in Holland

P. Scriverii Epigramma
In Obsidionem Harlemi.

QVID valeat bello concors cum milite civis,

Harlemum docuit, sensit & hostis iber.

Hei, quot ad obsessam liquit Dux ferreus urbem

Millia! quot nummis constitit Alba tibi!

Hei, quot terribili frustrà crepuëre boatu

Fulmina! quot sparsis moenia pulsa globis!

Vtque viri desint; quae spes? en, foemina pugnat:

Moenia foemineâ refficiuntur ope.

Obdurantque omnes, medioque in frigore servent,

Atque agiles Brumae calfacit aura manus.

Non ardente tamen deponunt Sole ligones?

Nemo sub aestivo tempore languet iners,

Intereà dubio glaciantur corda tumultu

Militibusque tuis, & Frederice tibi.

Non tradi invalidam dolet exspectantibus urbem,

Armaque pro patriis non temeranda focis.

[p. 265]

 

Iamque homini via nulla licet, terrâque matique

 

Cincta sub Hispanum non eat illa jugum.

 

Anxia praecipiti si venit epistola lapsu,

 

Surgit in oppositas fortior illa manus.

 

Ecce Dionaeas chartam perferre columbas?

 

Et Martem dubites his habitare locis?