Beschryvinge ende lof der stad Haerlem in Holland

Ianus Dousa
In Columbas Leydensium, solutâ secundâ obsidione.

At qui misellis haec bona civibus
Redux in urbem nuncius adferat

Est nemo. Ità omnes ex eodem

Fonte simul Stygii soporis

[p. 218]

 

Oblivionis pocula quae vocant

 

Traxisse visi, & fors sapiunt suâ

 

Sententiâ, ut qui ferre rursus

 

Esuriem, obsidiumque nolint.

 

Quos esurisse (hei!) plus nimiò est semel,

 

Semelque passos obsidium satis.

 

At non columbrae sic Diones,

 

Quae cupidis sine fine solae

 

Mansêre fidae rebus in ultimis,

 

⁺Loïse, jussi dum memores tui

 

Nexas pedi-ferunt tabellas.

 

Quid vigil obsidio, quid arces,

 

Aut valla prosunt, per spatia invii

 

Eunte coeli nuncio? idem Harlemî

 

Fecêre Bruti exemplo, ab acri

 

Cum Mutinae urbs premeretur hoste.

+ Ludoicus Boïsotus Pr. Auraici classis praefectus, Leidae Camillus alter, & Liberator.
Mutina, Italiae urbs, vulgò Modena.