Beschryvinge ende lof der stad Haerlem in Holland

[fol. ??3r]

Eer-dichten op 't werk des avtevrs.
P. Scriverii Elegidion in Samvelem Ampzingivm,
Ecclesiasten & Encomiasten Harlemi.

CVm cuperet totâ Ampzingius urbe,

Et pariter civi totus adesse suo;

Non satis est, inquit, divini oracula verbi

Pandere, & Angelicos voce ciére choros:

Sunt alij, quorum noster praeterfluit aures

Sermo; nec affectus ulla querela movet.

Et spatiosa licet magni sint atria templi,

Sufficit haud cunctis civibus iste locus.

Et quidam zeli studio in diversa trahuntur,

Quaerentes aliâ sub pietate Deum.

Serviat his calamus meus, & devinciat omnes,

Exponens patrij semina prima soli,

Inque gerens oculis totam gratantibus urbem,

Bellaque gesta domi, bellaque gesta foris.

Dixit: & ut seri possent meminisse nepotes.

Absolvit tantum sedulus auctor opus.

Iamque Lemum, Herlemiosque ac Flori principis aulam,

Et Pelusiaco parta trophaea mari,

Obsidiumque arrox tumidi miramur Iberi;

Miramur laeti commoda multa soli:

Divinamque ^†artem, quâ se Germania falsò

Iactat, & ignotum non sinit esse Mogum.

En ego Donati contrà clarissima dono⁺

Symbola, jam certam promeritura fidem.

Atque ita dum magni premimus vestigia IunI,

Vindicijsque ultrò dum favet ille meis:

† Typographiam.

+ Vide de Typographia Dissertationem nostram, huic Commentario annexam.

[fol. ??3v]

 

Ponere vix alibi potuit consultiùs horâs,

 

Aut magis in patriam significare fidem.

 

Sic populum linguâ, calamoque interprete cunctos

 

Pascit, & immemores sic vetat esse sui.

 

Pellicit huc natale solum, patriaeque cupido

 

Laudis. in hoc alacer pulvere currit equus.

 

Et meritò: nam si quondam flagravit Vlysses

 

Fumum de patrijs cernere posse focis;

 

Cur non hic pulchrae succensus amore Napaeae,

 

Laudaret patriae moenia blanda suae?

 

Quantò Ithacâ urbs Sparnae praestantior ubere glebâ,

 

Arvaque montanis fertiliora rubis:

 

Tantò amor AmpzingI meliore cupidine fertur,

 

Dum Kinnemarios tollit in astra suos.

Scribebam tumultuariè Amstelredami,

xv. Iunij. cIɔ Iɔ. cxxviii.