Das I I I I. Capitel.
Die Obrigkeit welche die Zauberer vnd Zaubereinnen nicht vngestrafft lassen, zeigen an das sie ihre ehr vnd seligkeit lieb haben.
DIE höchste vnd beste ehr eines jeden Christen menschen, ist, Christlich vnd fromblich leben: also auch der Obrigkeit: Neben dem das sie ihrem ampt vnd eid gehorsamlich vnd vnnachlässig eynfolgen: vnd derwegen nit allein fromb vnd Christlich leben für ihre Person, sondern auch dran seyn, das andere gleichfals also leben, vnnd zu dem end auszhabender gewalt, die bösen straffen, vnd die frommen schützen, lieben, befürdern vnd behandthaben. Gleich als nun solchs eines jeden Christen, vnnd darneben der Oberkeit höchste vnd gewisseste ehr ist, Christlich leben, vnd wol regiern, ires ampts vnd eids fleissige achtung haben, zu befürderung vnd bestetigung der gerechtigkeit: also ist eben dasselb ihre gewisse vnd vngezweiffelte seligkeit, nemlich, ausz liebreichen gantzem vngefelschten glauben, seinem standt vnd beruff gemesz leben. Welche Obrigkeit dann selbst im leben fromb, vnnd der gerechtigkeit geneigt, vnd aber darzu auch ir Ampt vnd pflicht, nach Gottes will vnd befelch, zu exequirn, mit vngeferbtem vnnd auffrechtem eiffer geflissen ist, vnd demnach die zauberer vnd zauberinnen als feind Gottes vnd der gerechtigkeit, jha be-
Auteursrechtvrij