AEN Mr. VVillem Teellinck, Getrouvve man Gods, ende vvare
bedienaer van sijn Ghemeente; op dit selve Bouck.
HOe Jesu vvaerde Bruyd, hoe zijn dus all' uvv leden
Ont-zenuvvt en ontvleescht, van boven tot beneden?
O hemelsch Coningin, ô schoonste van der aerd,
VVat heeft dees onghestalt dus binnen u ghebaert?
5[regelnummer]
VVaer is nu het corael van u beroofde vvanghen,
Die nu als grauvv van asch dus leelick neder-hanghen?
VVaer is u goud-cieraed, vvaer is u svvaenigh kleed?
Ah, Moeder, ah-ah-ah-, hoe sien ick dus uvv leed!
All' uvv zoet vvonder-schoon, de hemel van der aerde,
10[regelnummer]
Ont-luystert van sijn glans, ont-kleed van alle
vvaerde,
Is nu, eylaes ghevveest! Ick sien uvv gantsch ghelaet
Vergalt met bitter-gheel, dat uyt uvv milte slaet.
De borst, dat schoon yvoor, die eertijts plach te gheven
Een Arabierschen oogst van zoeten reuck, ghedreven
| |
15[regelnummer]
Door al des vveerelds rond (het leven van het hert,
VVanneer een bangh ghemoet by-naer ont-levent vvert)
Blaest nu een stercke lucht, ghevvrot in d'etter-buylen
Van vuyle longher-sucht, daer van ghy heen gaet druylen,
Als een bloed-loose schim, van jeughd en cracht ont-merght,
20[regelnummer]
Daer voor een yder mensch sijn aenghesicht verberght.
VVat raed, mijn teere zorgh, vvaer salmen yet vves vinden,
Dat dit voort-kruypend' quaed mocht stremmen off verslinden?
En isser voor dees smett' nu nerghens eenigh kruyd,
Int Oosten off in 't VVest, in 't Noorden off in 't Zuyd?
25[regelnummer]
Can niet des Sihors loop, die pratte Phratsche vloeden
Van't Aramiersche volck, u van de doot behoeden?
Heeft nu gheen heylsaem kracht Bethesdas vvater-bad?
Off isser oock gheen hulp in het Jordaensche nat?
Neen, Moeder, hola, neen! Gods gheest pitst u aen d'ooren,
30[regelnummer]
En gheeft vvel ander raet, zoo ghy hem slechts vvilt
hooren,
Verkoel, u sijne stem, uvv kortsigh-heet ghemoed
Int glinster-clare rood van Christi dierbaer bloed.
Dit is de zuyver-dranck, die alleen can ghenesen
Die hope-loose zieckt', tot op het hooghst gheresen:
35[regelnummer]
Steeckt maer uvv handen uyt, en vat den beker aen,
Ick zie, gheloof, ick zie, uvv drouve zieckt' vergaen.
Maer dit ist groote point, dat ghy met all' vermoghen
U zelven eerst bereyt; niet met veel vreemde droghen,
Off eenich vies julep; maer dat ghy Go toe-brenght
40[regelnummer]
Een reyne tranen-stroom, met rouvv en boet ghemenght:
En zoeckt u zelven uyt, deur-grondet all uvv vveghen,
Verschrickt voor Godes straf, en biddet om zijn zeghen;
Leght aff all' haet en nijd; verdelghet in de grond
De boose lust des vleeschs, de moeder van de zond.
| |
Auteursrechtelijk beschermd