Zeeuwsche Nachtegael en bijgevoegd Tafereel van sinne-mal
(1982)–Anoniem Zeeusche Nachtegael–
Auteursrechtelijk beschermd
[pagina 173]
| |
Het veel verwighe Velt, het noodich Coorn geel,
Het Vee van veeler aerdt, 't Ghevogelt cleyn en veel,
5[regelnummer]
De Steden wel ghebout, en Volcken-rijck verheven,
Die naer Godts wil en Wet vreedsamich sitten leven,
De dees met sulcken Stijl, de geen door ouffning sterck,
De dees met zijn vernuft, som met haer constich werck,
Doen ons hier veel vermaeck: en nevens dit beweghen,
10[regelnummer]
Heeft Zeelandt (t'haerder eer) Poëten veel
ghecreghen,
Die thoonen hare kunst, verheffen hare stem,
Die thoonen dat sy oyt, soghen aen Pallas mem;
Haer veersen en ghesangh', die doen nu t'eenemael
Verwecken 't soet gheluyt van desen Nachtegael,
15[regelnummer]
Van veelderley gherucht, van veelderhanden sin,
Dat yghelijck dit lieft, met lieffelijcken min.
Ick hoorden niet soo drá, van dit sachtsinnich quelen,
Het maken van dit veers quam in mijn sinnen spelen,
Mijn docht en 't quam mijn voor, het Beesje hoet meer swiert,
20[regelnummer]
En hoet meer jockt en 'tjockt, en hoet meer tiereliert;
En hoet meer vliecht en springt, van dees op gene tackjes,
En hoet meer singt en fleuyt, 't sy wonder milt off mackjes;
Het is al even soet, 't sy stil off met ghebaer,
Op sulck, en soo alst wil, men wert altijt gewaer
25[regelnummer]
Dat kunst vermaeck'lijck is; want somtijt hoorment
grollen,
En dan weer wonder soet, en dan looptet op rollen,
Even, als ick nu doe: Dies holla stut u pen,
En denckt wie dat ghy zijt, nu denck ick wie ick ben.
Den sulcken die niet een, van 't Beesjes thoon can halen,
30[regelnummer]
Daerom sick, t'aerdich dinck, door mijn sou connen
dwalen,
En belgen sich voor eerst, ja! swijghen wel hier naer,
En weyg'ren ons zijn stem, soucken zijn weder-paer.
Dus swijcht mijn cleyn verstant, maer loopt besijd' int
duyster,
En leent al wat ghy hebt, tot een leersinnich luyster:
35[regelnummer]
En wat ghy hoort en siet, van 't Zeeusche Beesje cleyn,
Dat maeckt (soot mogelijck is) de Weerelt gans ghemeyn.
|
|