[Nummer 3]
Redakshonal
A pesar di un apelashón na nos lektornan (den e deláster númber di Watapana) pa paga nan kontribushón anwal, nos no a risibí kolaborashón di tur nos abonádonan.
Esaki i e òwmento di gastonan di imprenta a obligá nos di buska un otro forma (menos bunita?) pa nos revista.
E retraso di e númber aki ta debí na nos problemanan finansiero i tambe na un kambio den nos redakshón: nos redaktor na Hulanda, C. de Haseth, a retirá inesperadamente. Pa e motibo aki nos a haja nos den un trankamento ku nos imprenta na Hulanda.
Nos a logra, en todo kaso, haja un imprenta na Antiyas i nos lo sigui ku nos labor, si nos LEKTORNAN kolaborá ku nos i apojá nos dor di paga nan kontribushón anwal. Kòrda bon, Watapana ta Boso revista! Sea asina bon di remití e suma di f. 4, - (florín antiyano) na Algemene Bank Nederland (Aruba) na nòmber di Sr. H. Habibe, menshonando: ‘Watapana’.
Sekretaría di Watapana ta keda definitivamente establesí na:
BONTEMANTELSTRAAT 25, PLAYA, ARUBA
Un palabra di ‘Bonbiní’ ta bai dirigí na Sr. Todd Dandaré, kende ta bolbe drenta redakshón di Watapana pa reforsá nos trabòw redakshonal. Na Sr. Ll. Narain, kende a tuma su retiro nèt promé ku Watapana no. 2 (aña IV) a sali, nos kièr a expresá nos sinsero gratitut pa su kolaborashón.
Auteursrechtelijk beschermd