Watapana. Jaargang 3

(1970-1971)– [tijdschrift] Watapana– rechtenstatus



[pagina 29]
To whom it may concern nan ta papia di bo sánguer di bo sánguer ku no ta existí i di bo higra, berdat, kiko mi sa? abo ta papia di mi watapana un watapana mediokre arkaiko morto kiko más? den bo sánguer tin morto i desesperashón ku ta blo kome bo sintí den mi pecho tin un watapana (morto bo di?) ta raska shelo ku kada hinchá di mi pulmón anto simplemente awe morto i desesperashón no por bòltu fo'i mi kwero baha den siglonan di mi entraña mi watapana ta mi ansha di biba un agonía petrifiká riba mi isla un bandera nèrvioso buskando ala di biento un man jen di flecha temblando den solo enfin lo mi muri pará mi pecho skupiendo un rosa kòrá kimá mi píanan manera raís bòw di tera i ku shelo den mi mannan será HENRY HABIBE