Watapana. Jaargang 2

[p. 13]

Algun observashon tocante e articulo ‘Origenes y evolucion del Papiamento’ publica den e numeronan 2, 3 1 4 di Watapana

Tempu m'a skirbi e foyeto PAPIAMENTU - ORIGEN I FORMACION (1965), mi no a lesa aínda e artículo menshoná aki riba di Dr. H.L.A. van Wijk ku a sali publicá den NEOPHOLOLOGUS XLII di aña 1958. Ta na september di aña 1968 numa Dr. Van Wijk a manda un ehemplar pa mi. Ta peséi no tin ningún reaksión di mi parti den mi foyeto riba Dr. Van Wijk su ORIGENES Y EVOLUCION DEL PAPIAMENTU.

Mi ideanan tocante origen i formashón di nos lenga hende por hana den e foyeto ya menshoná i tambe den PROCEDENCIA DI PALABRANAN PAPIAMENTU I OTRO ANOTACIONNAN I i II (1966).

Tóch mi ke complacé cu petishón di señor H. Habibe pa duna algún comentario corticu tocante e artículo di Dr. Van Wijk.

Dr. Van Wijk ta exponé na página 14 di WATAPANA No 2:

‘Los que quedaron habían de ser bien pronto superados ampliamente en número por los esclavos negros, traídos de las colonias portuguesas de la costa occidental de Africa, donde desde mediados del siglo XV se hablaba una especia de portugués internacionalizado. Este litoral debe de haber albergado gran número de negros, nacidos allá, donde permanecían a veces mucho tiempo hasta ser vendidos a los negreros europeos.’

Tá un eror pensa ku na henter e costa africanu, fo'i e riw Senegal na noord te e haf di Angola na zuid (6436 kilometer), caminda tábata haci negoshi di catibu, e africanunan tábata papia un portugués kibrá. Tá evidente ku tá esnan ku tábata dedicanan na e negoshi éi, sea como bendedó, sea como cumpradó, tábata haci uso dje portugués corumpí éi pa comerciá. E ‘mercancía’ mes no tábatin. necesidat di sá ningún lenga straño. E tábat 'éi pa nan bende i no pa siña lenga ni pa combersá. Ku tin be catibunan tábata keda na costa hopi tempu promé ku nan a cumpranan tampoco no ta paree mashá convincente, pasobra historia ta munstra ku hopi be t'e barcunan mester a pasa di un lugá na otro pa por a haña suficiente ‘carga’.

Frank Tannenbaum ta skirbi na página 33 di su buki EL NEGRO EN LAS AMERICAS - ESCLAVO Y CIUDADANO, 1968:

‘Hay constancia de que algunos barcos pasaban seis meses intentando llenar sus bodegas con negros, desplazándose de un puerto a otro de la calurosa costa africana, con su cargamento vivo desfalleciente entre las cubiertas o en la bodega. Cuando por fin la nave estaba llena zarpaba para vender sus mercancías vivientes en algún mercado propicio del otro lado del Atlántico.’

Mas atrás Dr. Van Wijk ta skirbi:

‘Al fundar Pedro Stuyvesant en 1647..., la evolución del negroportugués, traído de Africa por los esclavos, originó alla el papiamentu.’

I después:

‘Esta implica que el papiamento se ha producido sin intervención del castellano a base del afroportugués importado en Curazao.’

Mi ta deseá pa Dr. Van Wijk ilustrá loke é ta pretendé citando algún fuente fidedigno dje época éi, caminda nan ta bisa ku e catibunan tábata papia afroportugés tempu ku nan a yega aki na West.

[p. 14]

Caminda Dr. Van Wijk ta determina ku ‘ken’, ‘fo'i’, ‘afó’, aínda’, ‘antó’, ‘semper’ i ‘tambe’ tá indiscutiblemente di origen lusitano, mi ta referí, pa tá corticu, na mi bukinan PROCEDENCIA DI PALABRANAN PAPIAMENTO I OTRO ANOTACIONNAN I i II. ‘Quen’, por ehemplo, ta usá te día djawe den lenguahe vulgar mejicano! Pa origen di ‘papia’ mira PROCEDENCIA II, página 15.

Caminda, na página 16 di WATAPANA No 3, Dr. Van Wijk ta papia di ‘indios caribes’ l'é ke meen: caiquetíos! Mira Johan Hartog, CURACAO, Deel I, p. 1. Na página 2 Hartog ta skirbi:

‘De Caiquetio's, schrijft Arcaya, woonden op Curaçao, Aruba en Bonaire en aan de Noordelijke kust van het vasteland.’

Dr. Van Wijk ta exponé na página 17 di WATAPANA No 3 ku:

‘... el grupo portugués - “it” - quedó reemplazado por el esp. - “ch” - (“ocho” = esp. “ocho” en vez del port, “oito”; “(a)nochi” = esp. “noche” en lugar del port, “noite”).
Igualmente predominan ahora las palabras con diptongación española: “nwebe” = esp. “nueve” en vez del port, “nove”; “shete” = esp. “siete” en lugar del port, “sete”; “wesu” = esp. “hueso” en vez del port, “ôsso”; “webu” - esp. “huevo” en lugar del port, “ôvo”.’

Asina hende por laga su deseo i imaginashón yega te na luna...! Ta fo'i unda e escritor akí a saca tal sabiduría? Tá na unda el a lesa o tende ku nos pueblo tábata bisa un día: oito, noite, nove, sete, ôsso', ôvo...? 'n Tin un dicho unlandés ku ta bisa: Menen is verre van Waregem...?

Caminda Dr. Van Wijk ta bisa ku nos palabra ‘palomba’ ta bini di portugués ‘pomba’ é ta bolbe sigui pasonan di W.R. Menkman, su tata spiritual den asuntunan ku ta concerní nos lenga... Casi tur e palabranan, pa no bisa tur, ku Dr. Van Wijk ta mira deriba di portugués, ta palabranan ku Menkman a cita den West-Indische Gids trintipicu aña pasá... No a ocurí ningún hende después pa bai mira si tin lugá na Spaña caminda nan ta usa e palabra ‘palomba’. Esnan ku ta skirbi tocante papiamentu no ta investiga nada nan mes; nan tá concretanan na ripití loke otro a pretendé promé ku nan. Un dje mes un kaliber tá W.J.A. Buttner. Mi ta cita di mi buki PROCEDENCIA II, página 14:

‘Palomba - Na Galicia, Valencia, Mallorca, León i varios lugá na Asturias: palomba. Mi ta hañ'é tambe den spañó di siglo XIII. Menéndez Pidal-l ta anotá “Valencia y Mallorca conservaban el grupo “mb”, palomba, contra el catalán.‟ BAH/MFF, p. 164: “Palomba. Paloma. Usase en varios concejos de Asturias y en Galicia. Compárese el portugués: pomba. A.F.” Canellada, p. 285: “Palomba. Paloma. (A.).” Lanchetas: “Movióse la palomba, comenzó a volar. S. Or., 40.” (Siglo XIII). Esaqui tá un palabra mas qu ta reforsa mi convicción qu den nos lenga tin, cu tur siguransa, vocablonan di dialectonan di Spaña. Si e palabra aquí tábata existí den e forma aquí na portugués, anto mes ora esnan qu ta huzga superficialmente l'a dun'é un origen portugués.’

[p. 15]

Pakico ‘placa’ mester tá di origen portugués? Na página 961 NUEVO DICCIONARIO DE LA LENGUA CASTELLANA ta duna:

‘Placa, moneda valor de 10 maravedís, que corrió o circuló en toda la monarquía española.’

‘Bai an’ na página 15 di WATAPANA No 4 mester tá ‘bai adén’ i no ta nificá solamente ‘comenzar un oficio divino’. Skol tambe ta bai adén. ‘Skeer’ na página 17 mester tá skèr i é no ta procedé di ulandés dialectal ‘scheer’, ma simplemente di ‘schaar’, manera nan ta pronunciá e palabra akí den cierto región na Ulanda.

WATAPANA, página 18:

‘Que la jerga negroportugesa importada de Africa...’

Mescos ku Menkman Dr. Van Wijk ta pretendé ku catibunan ku a bini West tábata papia un portugués kibrá. Ma obranan ku ami a lesa ta bisa net contrario, esta ku nan tábata sá solamente nan proprio dialecto.

Ata algún di nan:

Den su buki HISTORIA DE LA ESCLAVITUD NEGRA EN PUERTO RICO (1493-1890) Dr. Luis M. Díaz Soler ta skirbi:

‘De modo que al iniciarse la introducción en Puerto Rico de elemento africano, los negros no se entendían entre ellos, porque hablaban distintos dialectos. Estas dificultades lingüísticas provocaron en el esclavo el deseo de aprender la lengua castellana, la cual vino a ser el vehículo de expresión común a todos los elementos constituyentes de la sociedad colonial.’

Na página 3 di su buki PHILOLOGIE CREOLE, Port-au-Prince, 1937, Jules Faine ta skirbi:

‘... et qu'ensuite, ces individus, recrutés sur de vaste regions d'Afrique, dispersés dans tous les sens à leur arrivée en Amérique et parlant une multitude de dialectes divers, étaient le plus souvent incapables de se comprendre entre eux’

Finalmente mi ta cita di Frederic G. Cassidy, JAMAICA TALK, página 17:

‘One must also ask, What of the survival of the African languages once transplanted? The situation was largely against their survival. The slaves of different tribes, often traditional enemies, were indiscriminately mixed together on the plantations. As Leslie wrote in 1739: ‘The Slaves are brought from several places in Guiney, which are different from one another in Language, and consequently, they can't converse freely; or, if they could, they hate one another so mortally, that some of them would rather die by the Hands of the English than join with other Africans in an attempt to shake off their Yoke...’

I Leslie a skirbi eséi na aña 1739. E tá un tistigu ocular!

Loke mi ta deseá awor tá pa Dr. Van Wijk cita pasashi di bukinan caminda nan ta bisa ku e catibunan ku a bini West tábata papia afroportugués. Mi ke prueba convincente!

Antoine J. Maduro, P.L. Jansenstraat 5, Curaçao, N.A.