Watapana. Jaargang 2

[p. 23]

Perla di Caribe

Nan ta bisa bo ta un isla di perla,
bo salú ta bon será na kandal,
ku bo kara ta blo lombra den solo
di tanto oro den bo pecho stiwá.

Ma esèi ta boka di un alma pirata,
ku ta skonde ku bo pan den su man,
mientras pena ta krese na bo mata
i bo sánger ta kore bai lamá.

Mi kantika sí ta puro i sin mancha,
lo mi kanta, na únda ku mi ta,
(pasobra bo amor sémper ta mi tema)
ku bo ta swak, bo ta tur heridá.

Nan ta bisa bo ta un isla di perla,
bo salú ta bon será na kandal,
ma warawara ta kèiro den shelo
i den bo mondi tin morto plamá.

Henry Habibe