De oudnederlandse (oudnederfrankische) psalmenfragmenten

Psalm LX

Gehôri, got, gebet mîn, thenke te gebede mînin.
Fan einde erthen te thi riep, so sorgoda herte mîn. An stêine irhôdus-tu mi;
Thu lêidos mi, uuanda gedân bist tohopa mîn, turn sterke fan antscêine fiundis.
UUonon sal ic an selethon thînro an uueroldi, bescirmot an getheke fetheraco thînro.
UUanda thu, got mîn, gehôrdos gebet mîn, gâui thu erui forhtindon namo thînin.
Dag ouir dag cuningis saltu gefuogan, jâr sîna untes an dag cunnis in cunnis.

[p. 30]

8.

Foluuonot an êuuon an geginuuirdi godis; ginâthi in uuârhêide sîna uue sal thia suocan?

9.

Sô sal ic lof quethan namin thînin an uuerolt uueroldis, that ik geue gehêita mîna fan dage an dag.