De Vorsterman Bijbel

§ Dat .vij. Capittel.

1

⁺HIer nae heb ic vier engelen sien staen op die vier hoecken der aerden, die vier winden des aerde ophoudende, om dat dien windt niet en soude waeyen opter aerde noch opter zee, noch op gheen boomen.

+ A

2

+ Ende vanden opganck der sonnen, heb ic een ander engel gesien, teycken des leuenden gods soon hebbende, ende met luyder stemmen riep hi totten vier engelen, die welcke is gegeuen hinderlic te wesen der aerden ende zee,

3

seggende. En wilt die aerde niet hinderlic wesen, noch die zee, noch die boomen, totter tijt toe dat wij teykenen die knechten van onsen god in haer voorhoofden.

4

Ende ic heb gehoort een getal der gheenre die gheteykent waren, ⁺ hondert vier en veertich dusent, gheteykent wesende wt alle geslachten der kinderen van Israel.

+ B

5

Van tgheslacht Iuda, geteykent .xij. duysent. Van tgeslacht Ruben, geteykent .xij. dusent. Van tgeslacht Gad, geteygent .xij. dusent.

6

Van tgeslacht Aser, geteykent .xij. dusent. Van tgheslacht Neptalim, geteykent .xij. dusent. Van tgeslacht Manasse, geteykent .xij. duysent.

7

Van tgeslacht Symeon, geteykent .xij. duysent. Van tgheslacht Leui, geteykent .xij. dusent. Van tgeslacht Isachar, geteykent .xij. duysent.

8

Van tgheslacht Zabulon, gheteykent .xij. duysent. Van tgeslacht Ioseph, geteykent .xij. duysent. Van tgeslacht Beniamin, geteykent .xij. dusent.

9

⁺Hier nae heb ick ghesien een groote menichte, welcke nyemant tellen en conste wt allen Heydenen ende volcke, ende talen, staende voor den stoel ende voor tlam, met witte cleederen ghecleet wesende, ende palmen in haer handen,

+ C

10

ende met luyder stemmen riepen si, segghende. Salicheyt si onse God, die opten stoel sit, ende tlam.

11

Ende alle Enghelen stonden ront omme den stoel der ouderen ende der vier dieren, ende zijn geuallen in haer aensichten, voor die teghenwoordicheyt des stoels, ende hebben god aengebeden,

12

seggende. Amen. Gebenedidinge ende claerheyt, ende wijsheit, ende dancbaerheyt, eer, cracht ende starcheyt si onse god van eewicheyt tot eewicheyt Amen. *

13

+ Ende een vanden ouderen heeft gheant-

[p. R2r]

woort, ende heeft mi geseit. Dese die gecleedt zijn met witten stolen, wien zijn si, ende van waen zijn si gecomen?

14

ende ic heb hem geseyt. O Heere, ghi wetet. Ende hi heeft mi geseit. Dit zijn die gheen die wt grote tribulacie zijn gecomen, ende hebben hare stolen gewasschen, ende hebbense door tbloet des lams wit gemaect:

15

daer om zijnse voor den stoel Gods, ende in sinen tempel dienense hem dach ende nacht, ende die op den stoel sidt sal op haer woonen.

16

Si en sullen voort aen niet meer honger oft dorst lijden noch die sonne en sal niet op haer neder gaen, noch gheen hetten.

17

Wantet lam dat int middel des stoels is, sal haer regeeren, ende sal haer leyden tot die leuende fonteynen der wateren, ende God sal af wasschen al haer tranen van haren oogen. *