De Vorsterman Bijbel

[p. Q5r]

Hier beghint die derde Epistel dye Sinte Ioannes Euangelist gescreuen heeft.

1

⁺DIe ouder Gaio den alderliefsten: die ic lief heb inde waerheyt.

+ A

2

Mijn alderliefste: ic begheer dattet v in allen wel gaet ende gesont si, geliken v siele weluaert.

3

Want ic heb zeer verblijt geweest, als die broeders quamen ende dijn waerheyt getuych gauen, geliken ghi inde waerheyt wandelt.

4

Ick en heb gheen meerder blijscap, dan dat ic hore dat mijn kinderen wandelen inde waerheyt.

5

⁺Alder liefste ghi doet trouwelic wat ghy aen de broeders doet, ende dat inden vreemden.

+ B

6

Die uwe liefte getuych gegeuen hebben voor de vergaderinge welcken ghi weel doen sult ist dat ghi haer waerdelick leyt voor God.

7

Want si voor zijnen naem ghereyst zijn, niet ontfangende vanden heydens.

8

Daer om behoren wi alsodanige te ontfangen, op dat wi mede werckers zijn der waerheyt.

9

⁺Ick soude by auontuer die kercke gescreuen hebben, mer die Diotrephes, die de opperste in haer wesen wil, en ontfanct ons niet

+ C

10

Daer om ist dat ick come, ick sal zijn wercken te kennen geuen die hy doet, met quade [kolom] woorden tegen ons crijtende. Ende hier niet mede te vreden zijnde: hi ontfanct self die broeders niet, ende diese ontfangen willen verbiet hy, ende worpt wte kercke.

11

⁺Mijn alderliefste, en wilt nyet volghen dat quaet is, maer dat goet is.

Die wel doet is wt god, maer die qualick doet en siet God niet.

+ D

12

Demetrio is van allen getuych gegeuen, ende vande waerheyt selue Ende wi geuen oec getuych, ende ghi weet dat onse getuychnis warachtich is.

13

Ic hadde veel te scriuen, maer ick en wilde v niet met inct ende pennen scriuen,

14

maer ick hoep dat ick v corts sien sal, ende wy sullen mont tegen mont spreken.

15

Vrede si v. Die vrienden groeten v. Groet die vrienden by namen.

§ Hier zijn voleynt dye Epistelen van sinte Ioannes Euangelist.