De Vorsterman Bijbel

[p. Q3r]

[kolom]

Hier beghint die eerste Epistel, dye de heylighe Apostel Sinte Ioannes gescreuen heeft

§ Dat eerste. Capittel.

[afbeelding]

1

⁺DAt vanden begin was dat wi gehoort hebben, dat wi met onse oogen gesien ende door gesien hebben, ende onse handen gehandelt hebben, vanden woorde des leuens.

+ A

2

Ende tleuen is geopenbaert, ⁺ ende wi hebbent gesien ende getuigent ende vercondigen v teewige leuen twelcke was

+ B

[p. Q3v]

by den vader, ende is ons geopenbaert.

3

Dat wi gesien ende gehoort hebben, vercondigen wi v, op dat ghi ooc met ons geselscap hebt, ende onse geselscap si metten vader, ende sinen soon Ihesu Christo. ⁺

+ 3.Reg. 8.e. 2.Par. 6 g

4

Ende dit schrijuen wi v, op dat ghi verblijt, ende dat uwe bliscap vol si.

5

⁺Ende dit is die bootscap dye wi wt hem gehoort hebben, ende wij vercondigen v, dat God het licht is, ende gheen duysternissen en zijn in hem.

+ C

6

Ist dat wi seggen dat wi geselscap met hem hebben, ende wi in duysternisse wandelen, so liegen wi, ende en doen de waerheyt niet.

7

Ist dat wi int licht wandelen, geliken hi int licht is so hebben wi geselscap onder malcander, ende tbloet Iesu Christi zijns soons reynicht ons van alle sonden.

8

⁺Ist dat wi seggen, wi en hebben gheen sonde so bedriegen wi ons seluen, ende die waerheit en is in ons niet.

+ D

9

Ist dat wi onse sonden beliden, hi is getrou ende rechtuerdich, dat hi onse sonden ons vergeeft, ende reyniget ons van alle onrechtuerdicheyt.

10

Ist dat wi seggen, wi en hebben niet gesondicht, so maken wi hem logenachtich, ende zijn woort en is in ons niet.