De Vorsterman Bijbel

§ Dat .iiij. Capittel.

1

⁺UAn waer zijn dye oorloghen, ende kijuinghen onder v? zijnse nyet wt uwe begheerlicheden, dye daer striden in v leden?

+ A

2

Ghi begheert ende en hebtet niet. Ghi doot slaet, ende ghy haet ende en muechtet niet vercrighen. Ghy vecht ende orloocht, ende en hebtet nyet, daer om dat ghijt nyet en bidt.

3

Ghy begheert ende en ontfanctes nyet, om dat ghi qualiken begheert, op dat ghi in uwe begheerlicheden verteert wert

4

Ouerspeelders, weet ghy nyet dat vrintschap deser werelt, ⁺ is vyantschap met God? Daer om al die sal zijn willen vrient deser werelt, wort ghesedt te wesen gods vyant.

+ B

5

Oft meynt ghy, dat dye scriftuer te vergheefs seyt. Dye gheest dye in v woont, heuet begeert tot haeticheyt?

6

Mer god gheeft meerder gracie, waer om dat hy seyt. God wederstaet dye houerdighe, dye ootmoedighe gheeft hy gracie.

7

⁺Daer om weest God onderdanich. Ende staet den vyant teghen, ⁺ ende hy sal van v vlien.

+ C

+ Gala. v.

8

Ghenaect God, ende hy sal v ghenaken. ⁺ O sondige mensche, reynicht v handen, ende dubbelde van sinnen, maect v herten reyn,

+ Ioan. xvi.d

9

ende wort allendich, ende schreyt, ende huylt. Laet v lachen verkeert worden in huylinghe: ende blischap in droefnis.

10

Wert verootmoedicht int aenschijn gods, ende hi sal v op heffen.

11

Broeders, en wilt malcanderen nyet achterclappen. ⁺ Dye achterclapt den broeder, ende die zijnen broeder ordeelt die achterclapt der wet, ende ordeelt die wet Ist dat ghi die wet ordeelt, ghi en zijt gheen onderhouder des wets, maer een oordeelder. ⁺

+ i.Pet. v.b.

+ Rom. xiiij.

12

Een wet setter isser ende rechter, die behouden mach ende verdoemen. Wie zijt ghi dye oordeelt v naeste?

13

⁺Siet dyen v segt, laet ons gaen heden ende morghen in dese stadt, ende laet ons daer maken een iaer, ende laet ons comenschap ende winsel doen:

+ D

14

dye nyet en weet wat den anderen dach ghebueren sal. Want wat is v leuen? Het is een wasem welc openbaert tot een weynich tijts daer na vergaet si.

15

Daer om segghet. Ist dattet die heere willen sal: ende ist dat wy leuen sullen, so laet ons dit [kolom] of dat doen.

16

Maer ghy verblijt nv in uwe houeerdicheden. Alle sulcke verblijdinghe is quaet.

17

Daer om dye daer weet goet te doen, ende nyet en doet, dien ist sonde.