De Vorsterman Bijbel

§ Dat .xxv. Capittel.

1

⁺DAer om Festus dat lant ontfangen hebbende, is na drie daghen op ghereyst vander stadt Cesarien tot Hierusalem.

+ A

2

Ende die prince der priesteren, ende die opperste der Ioden hebben hem te kennen ghegeuen van Paulo, ende si baden hem,

3

begheerende gonste teghens hem, dat hy hem woude roepen tot Hierusalem, laghen legghende, dat si hem souden dooden inden weghe.

4

Maer Festus heeft gheantwoordt, dat Paulus ymmer te Cesarien bewaert soude worden, ende dat hy cortelick derwaerts reysen soude

5

Daer om, dye onder v machtich zijn (seyde hy) laet dye te samen met ons reysen, ende isser in desen man eenige misdaet, laet si hem besculdighen.

6

Ende vertoeft hebbende onder haer nyet meer dan acht oft thien daghen, is af ghereyst tot Cesarien. ⁺ Ende daechs daer nae is hi gaen sitten op den rechter stoel, ende heeft geboden datmen Paulum voort soude brengen,

+ B

7

welcke als voort gebrocht was, so hebben ront om hem gestaen die Ioden, die van Ierusalem af gecomen waren, veel ende sware saken beclagende, die si niet bewisen en consten,

8

want Paulus verantwoorde hem seluen, dat hi noch tegen die wet der Ioden, noch teghen den tempel, noch teghen den Keyser yet misdaen hadde.

9

Festus willende by den Ioden danck begaen, ⁺ heeft Paulo antwoordende gheseyt. Wildi op reysen tot Hierusalem, ende daer van dese dingen by mi geordeelt worden.

+ C

10

Paulus heeft gesproken. Ick stae voor des Keysers rechter stoel, daert van noode is mi geordeelt te worden. Den Ioden en heb ic gheen onrecht ghedaen, als ghi ooc beter weet,

11

want heb ic scade gedaen, oft yet dat des doots werdich is bedreuen, ick en wedersegghe niet te steruen. Maer isser niet van desen, vanden welcken si my beclaghen, soo en mach my nyemandt hem geuen. Ick appelleer aenden Keyser.

12

Doen Festus dan met den raet hem besproken hadde, heeft hi geantwoort Ghy hebt den Keyser gheappelleert, tot den keyser sult ghi gaen.

13

Ende als een deel dagen ouerleden waren, [kolom] is de Coninck Agrippa ende Bernice neder gereyst tot Cesarien, ⁺ om te groeten Festum.

+ D

14

Ende als si daer veel dagen vertoefden, so heeft Festus den Coninck vertelt dye sake Pauli, seggende. Daer is een man geuangen gelaten van Felix,

15

van welcken als ick te Hierusalem gecomen was, die princen der priesteren, ende die ouderen der Ioden mi te kennen hebben gegeuen, begheerende teghen hem sentencie.

16

Wien ic gheantwoort hebbe Ten is der Romeynen ghewoonte niet, door gonste eenigen mensch ouer te geuen dat hi sterue, ⁺ eer dat de ghene die beclaecht wert zijn beclaghers teghenwoordich hebbe, ende een plaetse neme om te beschermen vander misdaet die hem opgheleyt wort.

+ E

17

Als si dan hier ghecomen waren, heb ic sonder eenich vertreck des nauolgenden daechs sittende opten rechter stoel, beuolen den man voort te brengen,

18

van wien als de beclaghers gestaen hadden, soo brochten si gheen misdaet voort van sulcke dingen, van welcken ick vermoede,

19

mer si hadden sommige vragen van haren insettingen tegen hem, ende van eenen dooden Iesum, welcken Paulus sterckelic betuychde te leuen,

20

ende twifelende van deser vraghen seyde ick. Oft hy te Ierusalem woude reysen, ende daer van desen gheordeelt worden.

21

⁺Maer als Paulus gheappelleert hadde, dat hy der kennisse Augusti ghehouden soude worden, soo heb ick beuolen datmen hem bewaren soude, ter tijt toe dat ick hem totten Keyser seynden soude.

+ F

22

Mer Agrippa seyde tot Festum. Ic woude oock den mensche wel hooren. Hy seyde Morghen sult ghi hem hooren.

23

Ende daechs daer na, als Agrippa met Bernice met groter houaerdicheyt ghecomen waren, ende gegaen in dat raedthuys metten Capiteynen ende den principaelsten mannen der stadt, so is Paulus door Festus ghebot voort gebrocht.

24

Ende Festus seyde. Agrippa coninc ende ghi mannen die hier tsamen met ons tegenwoordich zijt, ghi siet desen mensche, van welcken mi alle die menichte der Ioden gebeden heeft te Hierusalem, begheerende, ende roepende, dat hy nyet langher en moeste leuen.

25

Ic heb beuonden dat hi nyet des doots waerdich zijnde hadde misdaen, ⁺ maer in dien hy selue tot Augusto appelleerde, soo hebbe ick op ghesedt hem te seynden.

+ G

26

Van wien ick niet sekers en hebbe, dat ick den Heere scriuen mach. Waer om dat ick hem voort ghebracht hebbe tot v, Ende alder meest voor v Coninck Agrippa, op dat ick na dye

[p. P5r]

ondersoeckinge hebben mach, dat ic scriue

27

Want het dunct mi onrecht te sine eenen ghebonden te seynden, ende die misdaden daer hi af beclaget wert, niet te kennen te geuen.