De Vorsterman Bijbel

§ Dat .xxiiij. Capittel.

1

⁺ENde na vijf daghen is neder ghecomen die prince der priesteren Ananias, met den ouderen, ende met den aduocaet Tertullus, welcke totten rechter zijn inghegaen teghen Paulum.

+ A

2

Ende Paulum gheroepen hebbende, heeft Tertullus begonnen te besculdigen, seggende. Na den mael dat wi in groten vrede leuen door v, ende veel dingen door v voorsienicheyt onder desen volck oprechtelic gedaen worden,

3

dat wij alle tijt ende tot alle plaetsen prisen met alre dancbaerheyt alre beste Felix.

4

Maer op dat ick v nyet langher en vertoeue, bidde ick dat ghi ons met weynich woorden hooren wilt, na dijnre goedertierenheyt.

5

⁺Wij hebben desen scandeliken man gheuonden, verweckende eenen oploop alle den Ioden in alle dye werelt, ende een meester der secten vanden Nazarenen,

+ B

6

die ooc den tempel ghearbeyt heeft te schenden, welcken wi oock gheuangen hebbende, wouden na onser wet ordelen.

7

Maer Lisias dye Capiteyn ouercomende met grooter macht, heeft hem wt onsen handen verlost, ghebiedende zijn beclaghers tot v te comen,

8

wt wien ghi selue ondersoeckinghe ghedaen hebbende, van allen desen dingen bekennen moecht, van welcken wi hem beclagen.

9

Ende die Ioden seyden oec daer toe dattet also waer.

10

Mer Paulus als hem dye rechter wencte dat hy spreken soude, heeft gheantwoordt. ⁺ Want ick weet, dat ghi in desen volck nv veel iaren een rechter zijt gheweest, so wil ick met goeden moet voor mi seluen verantwoorden,

+ C

11

in dien ghi be-[kolom]kennen moecht, datter niet meer dagen my en zijn, dan .xij. van dier tijt af, dat ic op ghereyst ben tot Ierusalem, om aen te bidden

12

ende si en hebben mi niet gheuonden met yemant disputerende inden tempel, noch oploop makende onder die scaren, noch inden synagogen, noch inder stadt,

13

ende si en mogen ooc niet bewisen dye dinghen daer si mi af besculdigen.

14

⁺Mer dat belijde ic v, dat ic na den wech (die si een secte heeten) diene den vader ende minen God, ghelouende alle den ghenen dye in de wet ende Propheten ghescreuen zijn,

+ D

15

hoop hebbende in God, welcken si ooc self verwachten verrisenisse der rechtuerdiger ende der onrechtuaerdigher,

16

waer in ick oock selue naerstich ben, een conscientie altijt te hebben voor God, ende voor den menschen, daer hem nyemandt aen stooten en mach.

17

Ende na veel iaren, ben ick ghecomen om aelmissen te doen onder minen volcke, ende offerhande

18

onder welcken vonden si mi ghesuuert inden tempel, ⁺ niet met een scare, noch met ghenen oploop, ende si hebben mi aen getast, roepende ende segghende, neemt wech onse vyandt.

+ E

19

Ende sommighe vanden Ioden wt Asia, welcke van noode waer by v tegenwoordich te wesen, ende te beclagen, hadden si yet teghen mi,

20

oft laet dese selue segghen, oft si wat boosheyt in mi beuonden hebben, in dien ick voor den raet stae,

21

dan van deser eenre stemme, met welcken ick onder haer staende, gheroepen hebbe. Vander verrisenisse der dooden, worde ic heden gheordeelt van v.

22

⁺Maer Felix dit ghehoort hebbende, heeft haer wtstellinghe ghegeuen, vastelick wetende tghene dat tot desen wege was behoorende, segghende. Als den Capiteyn Lysias af coemt, sal ick v saecken hooren.

+ F

23

Ende hy beual den Centurio, dat hy Paulum soude bewaren, ende dat hy hem soude laten rusten ende dat hy nyemant van sinen vrienden soude verbieden hem te dienen.

24

⁺Maer na een deel daghen, als Felix gecomen was met Drusilla zijnre huysurouwen die een Iodinne was, heeft hy Paulum geroepen, ende dat gheloue dat in Christum is van hem ghehoort.

+ G

25

Maer doen hi disputeerde vander rechtuaerdicheyt ende suuerheit ende vanden toecomenden ordeel, soe is Felix verscrict, ende heeft gheantwoort. Gaet nv ter tijt wech, maer als ick bequamen tijt gecreghen hebbe, sal ick v roepen,

26

hopende dat

[p. P4v]

hem gelt van Paulo soude gegeuen worden, dat hi hem los soude maken. Waer om dat hi hem ooc dicwils roepende, sprac met hem.

27

Maer twee iaren om zijnde, is Portius Festus in Felix stede gecomen. Ende Felix willende den Ioden een vrientscappe bewisen, heeft Paulum geuangen gelaten.