De Vorsterman Bijbel

§ Dat .iij. Capittel.

1

⁺UErmaent haer, den vorsten ende machten onderdanich te zijn, haer gheboden ghehoorsaem te sine, dat si tot alle ghoede werck bereyt zijn,

+ A

2

van niemant quaet te spreken, nyet kijfachtich en zijn, maer minnelick, alle saechtmoedicheyt bewisende tegen allen menschen,

3

Want wi waren voortijts oock onuerstandich, onghehoorsaem, dwalende, dienende den begheerten, ende [kolom] menigherley wellusten, in quaetheit, ende haeticheyt wandelende, malcanderen hatende.

4

⁺+ Maer na dat die goedertierenheyt ende menscheyt, ⁺ ons salichmakers Gods gheopenbaert heuet,

+ B

+ 2.Timo. 3.

5

nyet wt die wercken des rechtueerdicheyts die wi ghedaen hebben, maer na zijn barmherticheyt heeft hy ons salich ghemaect, door tbadt des wedergheboorte ende vernieuwinghe des heyligen gheests,

6

welcken hy oueruloedich wtghestort heeft in ons, door Iesum Christum onsen salichmaker,

7

op dat wy gherechtueerdicht door zijn gracie, erfghenameen souden worden naden hope des eewigen leuens.

8

* Een trou woort.

⁺ Van dese wil ick dat ghy haer vesticht, dat die in God gheloouen, neerstich zijn in goede wercken, want dese zijn van noode, ende profitich den menschen.

+ C

9

Maer laet varen die sotte vraghen, ende gheslachten rekeninghen, ende kiuinghen, ende wet strijden, want si zijn onprofitich ende ydel.

10

Schouwet den mensch die een ketter is, na die eerste ende andere vermaninge,

11

wetende dat hi verkeert is, die aldusdanich is, ende sondicht, door hem seluen, veroordeelt zijnde.

12

⁺Als ick tot v senden sal Arteman ende Tychicum, zijt haestich te comen tot mi te Nicopolim, want ick heb ghesloten daer winter te houden.

+ D

13

Zenam den wetgheleerden, ende Apollo dien gheleydet sorchfuldelick, dat haer niet en ghebreect.

14

Ende laet oock die uwe met goede wercken leeren voorgaen, tot nootdruftigen gebruyc op dat si niet onuruchtbaer en zijn.

15

Si groeten v die met mi zijn allegader. Groet den ghenen die ons lief hebben int gheloof. Die gracie Gods si met v allen. AMEN.

Ghescreuen wt Nicopoli.

Hier nae volcht dye Epistel dye Sinte Pauwels gheschreuen heeft sinen lieuen vrient Philemoni.